مَہدیت کا دعویدار
حضرت ایک دن جامع مسجد میں تشریف فرماتھے۔ قاضی زادہ رومی اور مخدوم زادہ | حضرت مولانا روم رحمتہ اللہ علیہ بھی موجود تھے۔ لوگوں نے ذکر کیا کہ یہاں ایک شخص ایسا آیا ہے جو امام مہدی ہونے کا دعوی کرتا ہے۔ حضرت نے فرمایا صحیح حدیثوں میں حضرت امام مہدی کی جو پہچان بتائی گئی ہے اس کو اس کے اندر دیکھنا چاہیے۔ میں اس شخص کو دیکھنا چاہتا ہوں، اتفاقاً وہ شخص خود حضرت کی خدمت میں حاضر ہوا۔ آپ نے اس کی طرف غور سے دیکھا اور فرمایا کہ یہ منصب دعویٰ کرنے سے نہیں حاصل ہوگا، پروردگارعالم جس کو یہ منصب عطافرمائے گا اس کے اندرمہدی کے آثار و علامت بھی پائی جائیں گئی، تم اس جھگڑے میں مت پڑو۔
روم میں ایک شخص حضرت کے پیچھے پڑا ہوا تھا، اور لوگوں سے آپ کی برائی کرتا تھا۔ ایک دن مخدوم زادہ رومی نے حضرت سے بیان فرمایا کہ آج میں نے اپنی ظاہر آنکھوں سے دیکھا ہے کہ فرشتوں کی ایک جماعت بڑے غیض و غضب کے عالم میں آسمان سے اتری ہے، میں نے اُن سے پوچھا آپ لوگ کون ہیں؟ اور کہاں جاتے ہیں؟ تو انھوں نے جواب دیا کہ یہ ملائکۂ آسمانی ہیں، ایک شخص غوث العالم کی برائی کرتا ہے،ہم اس کے ایمان کی جڑ کاٹنے جاتے ہیں۔(نعوذ بالله من ذالک)
حضرت نے نواح روم میں عرصہ دراز تک قیام فرمایا، اس کے بعد آپ نے طواف خانۂ کعبہ کا ارادہ فرمایا، حضرت بدیع الدین شا ہ مدار رحمتہ اللہ علیہ روم تک ہمراہ تھے، حضرت نے حرمین شریفین حاضری کا ارادہ فرمایاتوشیخ بدیع الدین رحمتہ اللہ علیہ نے ہندوستان واپسی کا ارادہ کیا۔ جس وقت جدا ہونے لگے آپ نے اپناخرقۂ محبت حضرت کو پہنایا اور بہت روئے اور رنجیدہ دل اور اشکبار آنکھوں کے ساتھ ہند وستان واپس ہوئے۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972